Tip:
Highlight text to annotate it
X
السلام عليكم!
احنا دلوقتي في القاهرة في مصر... وشايفين ورايا النيل.
أنا مع نيفين.
- نيفين من القاهرة من مصر.
ونيفين تشتغل في "الخطوط الجوية البريطانية"
- مظبوط
و تسافر كتير, وعلشان كدة أنا عايز اتكلم عن اللغات في البلاد اللي بيتكلموا عربي.
و في سبتمبر أنا شفت فيه لغتين العربية الفصحة والعامية, وفي بره احنا مش عرفين كده.. ليه في لغتين؟
- ليه فيه لغتين؟! علشان العربية الفصحه هي اللي بيتكلمها الوطن العربي كله مصر لبنان السعودية
كل البلاد العربية بتتكلم الفصحة حتى فى الجزائر وتونس والمغرب هما بيفهموا الفصحة بس محدش فينا بيتكلم فصحة كلنا بنتكلم العامية..
في العامية المصرية، في اللهجة الخليجي، في الشامي في سوريا ولبنان، في بيتكلموا عربي مع فرنسي في تونس والجزائر والمغرب..
الحاجة اللي كلنا بنفهمها الفصحة لكن محدش بيتكلم الفصحة.
في الشارع مفيش فصحة.. عشان كده في سبتمبر انا في البرازيل.أنا بص ذاكرت العامية.
علشان هنا في مصر أنا عايز أعمل أصحاب انا عايز اشتري حاجات أنا عايز أسافر في مصر ..
والفصحة مش مفهوم.. لو انت عايز تسافر الفصحة مهمة قوي.
- محدش هيفهم في العادي محدش هيفهم لو نزلت في الشارع وكلمت اي راجل عادي فصحة هيقول انت بتقول ايه مش فاهم ده مش عربي.
علشان كده لازم تتعلم العامية.
ليه فيه بره بس كتب عن الفصحة ؟
- كل الدراسات بره عن الفصحة وفي ناس حتى اللي بيدرسوا لغة عربية بيقعدوا في الجامعة 4 سنين بيدرسوا بالفصحة
وبعد الأربع سنين بييجوا في اي حتة بيذاكروا عامية .. وأعرف ناس لغاية النهاردة بيدرسوا ماجيستير ودكتوراة وكانوا بتكلموا بس فصحة
ولغاية النهاردة بيدرسوا العامية وبالنسبة ليهم صعبة جدًا العامية وطول الوقت بيتكلموا شوية عامية وشوية فصحة
لأن الناس مش بتعرف تفهم الفصحة بتاعتهم ولما بيروحوا مثلا سوريا بيتكلموا شوية العربي السوري بعدين جم مثلا على مصر فبيتكلموا العربي المصري
فبالنسة ليهم فصحة وبعدين شوية العربي الشامي بعدين شوية العربي المصري فبالنسبة لهم لهجات كتير بس هو ده..
فأنت لازم تختار انت هتتعلم العربي باللهجة المصري ولا باللهجة الخليجي والا باللهجة اللبناني ولا انهي لهجة؟
لكن ايه الاختلافات بين الفصحة والعامية؟
- بص في اختلافات كتير يعني مثلا في الفصحة هتقول أين ذهبت؟ أنت رحت فين؟
كل حاجة.. كيف حالك؟ بنقول إزيك؟.. بص كل حاجة بتقول كيف؟ أين؟ لماذا؟= ليه؟ أين؟= فين؟ ..
حتى الاسئلة بتكون مختلفة مش بنتكلم اي حاجة من الفصحة... حتى القطة مثلا في الشارع بتقول قطة .هاهاهاها..بندلع كل حاجة.
لكن لو مصري يسافر بلد تانية ايه اللغات؟ الفصحة ولا العامية المصري؟ عشان في افلام كتير .. - بالعامية المصرية.
بس احنا برده بيفهموا العامية المصري بتاعتنا. بس احنا لازم نعمل مجهود عشان نفهم اللهجات التانية
واحنا المفروض نفهم برده, يعني لما بيتكلموا معانا بنبقى فاهمين فممكن المحادثة تبقى أنا باتكلم عربي مصري, وانت مثلاً بتتكلم عربي خليجي
أنت هتفضل تتلكم عربي خليجي وأنا بافهمك وأنا هاتكلم عربي مصري و بافهمك.. وهو اسهل له يتكلم عربي مصري عن ما أنا اتكلم عربي خليجي ..
بس بنبقى فاهمين بعض.. بس مختلف تمامًا الاتنين مختلفين تمامًا عن بعض..
مثلاً في الخليج بيقولوا "جهوة" احنا بنقول "قهوة" .. هما الجيم بيعطشوها
هنا في مصر في اختلافات كتير بين المدن عشان انا بكرة انا هسافر أسوان.
- في كل اللهجات زي اللهجة المصري, اللهجة الأسكندراني, في اللهجة في القاهرة واسكندرية وكده..
زي مابيكون عندك لهجة في لندن, ولهجة في اسكتلاند, ولهجة في ايرلاند مختلفين.
مثلاً في اسكندرية بيقول هنروحو ناكل احنا بنقول هنروح, وكده هتعرف انهم من اسكندرية.
و برده كده في اسوان والأقصر بس انا معرفش ايه اللهجات بتاعتهم ..
في طبعًا النوبة بس احنا منعرفش اي حاجة في النوبي خالص..
ازاي تكتب العامية عشان امبارح كتبتي ايميلي مع البيتكلم اوروبية؟!
-بنكتب العربي فرانكوعرب احنا عمرنا مانكتب عربي في المسج ..
عشان الـ"و" في الفرانكو “ou” مش بالانجليزي “oo”
- وبعدين بالانجليزي الـ "ح" والـ "ع" والـ "غ" مفيش في الانجليزي (ح,ع,غ,خ)
فاحنا بنعمل ( ح = 7 ) (خ = 7’) (ع = 3) (غ = 3’)
فلما مثلاً هتكتب "حنروح" هتكتب ( 7anrou7 ) عشان مفيش "ح" في الانجليزي
" عين " هتكتب ( 3een) أو (3ein)
لكن مش ممكن تكتب الكلام عربي
- بص ممكن تكتب بالعربي بس معظم الناس اللي بتكتب العامية بالعربي..
بس ساعات كمان اسهل علشان انت لو عندك اعدادت الويندوز انجليزي
فبدل متقعد تعمل الاعدادات من انجليزي لعربي وعربي لانجليزي فكلنا عارفين لغة الفرانكوعربي..
فبتكتب عربي فانت هتقرأها عربي زي الايميل انا كتبتهولك كله..
أنا فهمتوا لكن مش ممكن اروح جوجل ترانسليت..
لكن كويس عشان انا لو عايز اذاكر كلمات استخدم الفرانكوعربي. كويس كويس قوي ..
هل في حاجة انت عايز تقولها عن الفصحة او العامية ؟
- اللي عايز أقولوا إن العربي صعب وكل حاجة لكن كل اللغات التانية صعبة بس ممكن تتعلمها,
فأنا باتكلم ياباني وصعب جدًا برده إن حد يتكلم ياباني وباكتب وباقرأ كل الي الكانجل شاينيز الحروف الصيني
وعمري ماكنت اتخيل إني هقعد اكتبها لان شكلها رسم فانت لما بتيجي تكتب عربي الكلام شكله مختلف بس ممكن ..
ممكن تقرأه وتكتبه وتتعلمه.. اه هو مختلف عن كل اللغات الأوروبية وعن الانجليزي شويه بره العادي
لكن ممكن لو تديه المجهود الزيادة شوية هتتكلم عربي واي لغة بتديها الوقت وتديها المجهود بتيجي معاك مهما كانت صعبة.. حظ سعيد
شكرًا ..كويس قوي.. الفيديو اللي جاي انشاءالله هيكون من أسوان..
أوك.. شكرًا . مع السلامة
- النيل اللي في أسوان أحلى من كده كمان.